Shërbimi i Sigurisë në Ukrainë: Janë zbuluar mbi 600 agjentë dhe spiunë rusë

Më shumë se 600 agjentë dhe spiunë rusë janë “ekspozuar” nga Ukraina që nga fillimi i luftës, sipas një zbulimi nga shërbimi i sigurisë i vendit. 

Shërbimi i Sigurisë i Ukrainës, i njohur si SBU, ka deklaruar se më shumë se 340 autorë janë dërguar në gjykatë.  Ai shtoi se fajtorët kishin kryer “aktivitete inteligjente dhe subversive” kundër Ukrainës.

“Disa “agjentë armiq” ishin përgatitur për zhdukjen e ministrit të mbrojtjes dhe kreut të drejtorisë kryesore të inteligjencës, si dhe një aktivisti të njohur ukrainas”, deklaroi SBU  

Një ish-kryetar i qytetit jugor të Ukrainës, Mykolaiv, gjithashtu u “ekspozua” për “ofrimi vullnetarisht i ndihmës së tij për armikun” duke transmetuar informacione për “të burgosurit ushtarakë të Federatës Ruse tek shërbimet speciale ruse”. 

Një shtetas rus i cili mbërriti në Ukrainë në janar të vitit të kaluar u arrestua gjithashtu, pasi u zbulua se ishte ngarkuar të krijonte një “rrjet të gjerë agjentësh për mbledhjen e informacionit dhe kryerjen e sabotimeve në rajonet perëndimore”. 

Një tjetër “spiun u neutralizua”, shtoi SBU, duke thënë se ai ishte një shtetas i Bjellorusisë i cili kishte “mbledhur informacione rreth vendosjes dhe lëvizjes së njësive të Forcave të Armatosura” në rajonin veriperëndimor të Volyn.