“Nuk u distancuan nga dhuna e 8 janarit”, Alibeaj përjashton edhe 4 deputetë të tjerë të PD nga grupi parlamentar (EMRAT)

“Nuk u distancuan nga dhuna e 8 janarit”, Alibeaj përjashton edhe 4 deputetë të tjerë të PD nga grupi parlamentar (EMRAT)

Alibeajj

Grupi i Enkelejd Alibeajt ka lajmëruar ditën e sotme përjashtimin nga grupi parlamentar i Partisë Demokratike katër deputetë.

Bëhet fjalë për deputetët Tritan Shehu, Oerd Bylykbashi, Belind Këlliçi dhe Agron Shehaj.

Motivacioni i përjashtimit të tyre është mos distancimi nga dhuna e ndodhur në selinë blu më 8 janar të vitit të shkuar.

Kujtojmë se më parë nga grupi parlamentar janë përjashtuar edhe deputetët Albana Vokshi, Edmond Spaho, Flamur Noka dhe Luan Baçi.

Njoftimi:

Sot, më datë 10.01.2023, ka përfunduar afati 1 vjecar për distancimin e plotë dhe publik nga aktet e dhunës ndaj Partisë Demokratike të deputetëve të pezulluar Tritan Shehu; Oerd Bylykbashi; Belind Këllici dhe Agron Shehaj. Në mungesë të aktit të distancimit, sipas vendimit nr.1 dhe nr. 1/1, datë 10.01.2022 të Kryesisë së Partisë dhe konfirmimit të Këshillit Kombëtar dhe Grupit Parlamentar të Partisë Demokratike në mbledhjen e datës 15.01.2022, nga sot hyn në fuqi masa e largimit zyrtarisht të tyre nga Grupi Parlamentar. Për këtë qëllim, është njoftuar zyrtarisht Kuvendi i Shqipërisë që deputetët Tritan Shehu; Oerd Bylykbashi; Belind Këllici dhe Agron Shehaj nuk janë më pjesë e Grupit Parlamentar të Partisë Demokratike duke filluar nga data 11.01.2023.


Këtë e pëlqejnë %d blogues: