Mjeti del nga rruga dhe përfundon në greminë/ Plagosen rëndë dy persona në Bulqizë

Një aksident me pasojë plagosjen rëndë të dy personave është shënuar pak minuta më parë në rrugën e fshatit Smollik në Bulqizë.

Ngjarja ka ndodhur në rrugën që lidh këtë fshat me Bulqizën dhe të plagosur kanë mbetur Jeton Tola 44 vjeç dhe Orgito Tola 18 vjeç.

Mësohet se mjeti ka përfunduar disa metra në greminë, ndërsa po punohet për nxjerrjen e të plagosurve pasi terreni i thyer e vështirëson procesin.

Në vendin e ngjarjes janë dy autoambulanca që pritet të transportojnë të plagosurit.