Minus 15 pikë për Juventus, Nainggolan: Gjithmonë të “surprizojnë” në fund!

Ish-mesfushori i Romës në Serie A, Radja Nainggolan është rikthyer të flasë për kampionatin italian aty ku “Ninxha” sulmon Juventusin në lidhje me penalizimin prej 15 pikësh si pasojë e falsifikimit të bilancit.

Futbollisti që aktivizohet aktualisht tek Antëerp në Belgjikë shprehet se gjithnjë ka provuar të fitojë kundër bardhezinjve, mirëpo në fund, kishte gjithnjë një “surprizë” që favorizonte torinezët.

“Juventusit iu hoqën 15 pikë? Unë gjithnjë në karrierën time kam provuar të fitoj kundër më të fortëve, por sië edhe u zbulua tashmë, ka pasur gjithnjë ndonjë “surprizë” që nuk më lejonte”, u shpreh Nainggolan.

Ndërkohë, 34-vjeçari komplimentoi trajnerin Luciano Spalletti për punën me Napolin duke i uruar të fitojë titullin teksa tha se të kaltërit po shfrytëzojnë të gjithë potencialin e organikës dhe se janë shumë të fortë në krahasim me rivalët.