Bie nga lartësia teksa krasiste pemët në banesën e tij, ndërron jetë 63-vjeçari

Një 63-vjeçar ka ndërruar jetë, pasi ra nga lartësia teksa krasiste pemët në banesën e tij.

Ngjarja ndodhi paraditen e sotme në lagjen “2 Dhjetori” të Çorovodës. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.

Njoftimi policisë: 

Skrapar/Informacion paraprak

Më datë 25.01.2023, rreth orës 11:40, në lagjen “2 Dhjetori”, Çorovodë, shtetasi K.K., 63 vjeç, duke krasitur pemët në banesën e tij, është rrëzuar nga lartësia dhe për pasojë ka ndërruar jetë.

Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.