Aksidentuan këmbësoret dhe një 13-vjeçar që lëvizte me biçikletë, hetohen në gjendje të lirë autorët

Një person është arrestuar, ndërsa tre të tjertë po hetohen në gjendje të lirë, pasi kanë aksidentuar këmbësoret dhe një 13-vjeçar që lëvizte me biçikletë.

Në pranga u vu 25-vjeçari me inciciale A. S., banues në Kameras të Krujë, pasi në aksin rrugor “Fushë Krujë-Derven” ka aksidentuar me automjet këmbësoren 45-vjeçare me iniciale V. B. Ajo ndodhet në spital në kujdesin e mjekëve.

Nën hetim u vu 28-vjeçari me iniciale E. Ç., banues në lagjen nr.1 të Durrësit, pasi në rrugën “Dëshmorët”, duke drejtuar automjetin, ka aksidentuar një 13-vjeçar që lëvizte me biçikletë. I mituri ndodhet në spital, nën kujdesin e mjekëve.

Gjithashtu hetimi në gjendje të lirë nisi edhe për 35-vjeçarin me iniciale E. T., pasi në Shijak ka aksidentuar këmbësoren 45-vjeçare N. D.

Hetimi nisi për një 40-vjeçar me iniciale L. M., banues në lagjen nr. 17 të Durrësit, i cili ka ushtruar dhunë psikologjike ndaj ish-bashkëjetueses së tij.

Materialet i kaluan Prokurorisë, për veprime të mëtejshme.