Të kesh fatin të punosh në shtëpinë e re të Cristiano Ronaldos, ja sa do të jetë paga për stafin!

Futbollisti portugez, Cristiano Ronaldo dhe partnerja e tij, Georgina Rodriguez, janë bërë pronarë të shtëpisë më të shtrenjtë në Portugali. 37-vjeçari u bë pronar i shtëpisë më të shtrenjtë në Portugali, gjë që mund të jetë një tregues se ai mund ta vazhdojë karrierën në vendin e tij.

Prona ndodhet në rrethinën e Cascais dhe vlera e saj llogaritet rreth 11 milionë euro. Megjithatë, pas rinovimit dhe punimeve të tjera, shpenzimet do të arrijnë deri në 21 milionë, sipas medias “Marca”.

Ronaldo thuhet se ka punësuar një staf për rezidencën e re ku secili prej punonjësve do të paguhet 5.490 euro në muaj, kjo sipas të përditshmes portugeze Correio da Manha. Shtëpia luksoze ka një kinema, dhomë lojrash, Spa dhe suita të mëdha, dhoma gjumi me pamje mahnitëse nga oqeani si dhe pishina të brendshme dhe të jashtme.

Sipërfaqja e vilës është 2.720 metra katrorë dhe përbëhet nga tri kate. Në proces ndërtimi janë lulishtja dhe një pishinë magjepsëse me një sipërfaqe prej 544 metrash katrorë. Mendohet se punimet do të përfundojnë në verën e vitit 2023.

Rikujtojmë, se së fundmi motra e Georgina Rodriguez, ka shprehur se ka jetuar pa asnjë ndihmë nga motra e saj. Patricia Rodriguez thotë se ajo ka jetuar për tre vjet pa një shtëpi fikse, ndërsa duhet të shikojë sesi Georgina shfaq jetën e saj luksoze në internet ndërsa ajo udhëton nëpër botë në krahun e ikonës së futbollit, duke qëndruar në shtëpitë e tij luksoze.

33-vjeçarja tha se marrëdhënia e saj me motrën modele, e cila ndan dy fëmijë me Ronaldon, ka qenë e vështirë, veçanërisht pas vdekjes së babait të tyre në vitin 2019. Dyshja e njohur disa muaj më parë humbën një fëmijë. Georgina ishte në pritje të dy binjakëve, por ishte në gjendje të lindte vetëm një nga foshnjat, vogëlushen ndërsa djali i tyre nuk mund t’ia dilte. Rodriguez ka pranuar se ky episod ka qenë periudha më e keqe e jetës së saj, madje ka pyetur veten se si mund të vazhdonte.