Shpërthimi në Stamboll, reagon Erdogan: Këtu ka erë terrori

Një shpërthim i fuqishëm tronditi ditën e sotme Stambollin, duke shkaktuar të paktën 6 viktima dhe 53 të plagosur.

Në lidhje me këtë situatë ka reaguar edhe presidenti turk Recep Tayip Erdogan, i cili deklaroi se do të zbulohen autorët e këtij sulmi të befasishëm.

Sipas CNN Turkye ai foli përpara udhëtimit të tij në G-20, ku tregoi se në shpërthimin në Taksim kishte “erë terrori”.

“Pas sulmit të pabesë, në vendngjarje shkuan forcat tona të sigurisë dhe të plagosurit tanë u dërguan në spitalet përreth. Përpjekjet për të pushtuar Turqinë dhe kombin turk përmes terrorizmit nuk do të arrijnë qëllimin e tyre siç ka sot dhe nesër. Janë 6 të vdekur, 4 prej të cilëve në vendin e krimit dhe 2 në spital. Do të ishte gabim nëse themi se ky është me siguri terrorizëm, por zhvillimet e para, informacioni që na përcolli guvernatori i parë, këtu ka erë terrori. Deri tani, arratisjet dhe përcaktimet e para në pikën që një grua luan një rol në këtë biznes. Hetimet tona si për shefin e policisë së Stambollit, ashtu edhe për guvernatorin tonë dhe për kamerat atje vazhdojnë. Më pas do të marrim vendimin tonë përfundimtar”, tha Erdogan.

Një shpërthim ka ndodhur në bulevardin Istikalal të Stambollit këtë pasdite, ku të paktën gjashtë persona humbën jetën dhe 53 të tjerë janë plagosur.

Guvernatori i Stambollit, Ali Yerlikaya, shkroi në Tëitter se shpërthimi ndodhi në orën 16:20, ndërsa bilanci i të lënduarve po rritet akoma më shumë.

Ende nuk dihen shkaqet e shpërthimit të së dielës dhe se nga kush është shkaktuar. Në videot e postuara online shihen flakë pas një shpërthimi të fuqishëm, teksa qytetarët shihen duke u larguar nga vendi i ngjarjes.