Shoqërimi i protestuesit gjatë tubimit të opozitës, reagon policia: 25-vjeçari me probleme të shëndetit mendor. Me vete kishte mjet prerës dhe…

Shoqërimi i protestuesit gjatë tubimit të opozitës, reagon policia: 25-vjeçari me probleme të shëndetit mendor. Me vete kishte mjet prerës dhe…

C03e1c63 Bd13 40ad 9a35 086b5e056e00

Policia e Tiranës ka reaguar në lidhje me shoqërimin e një personi gjatë protestës së sotme të opozitës.

Në njoftimin për mediat sqarohet se personi u evidentua se kishte me vete një mjet prerës dhe se kryente lëvizje të pakontrolluara.

Blutë njoftojnë se u vlerësua se mund të cënonte jetën e pjesëmarrësve në protestë ndaj është kryer edhe shoqërimi i tij.

Njoftimi i policisë:

Sqarim i Drejtorisë Vendore të Policisë Tiranë

Në lidhje me shoqërimin e një shtetasi, në përfundim të tubimit të ditës së sotme, sqarojmë opinionin publik se:

Shërbimet e Drejtorisë Vendore të Policisë Tiranë, në zbatim të detyrave të planit të masave, të hartuar me qëllim garantimin e rendit dhe sigurisë publike, para, gjatë dhe pas përfundimit të tubimit, në përfundim të tubimit kanë konstatuar një shtetas që mbante në dorë një mjet prerës dhe kryente lëvizje të pakontrolluara.

Shërbimet e Policisë kanë ndërhyrë me profesionalizëm për të parandaluar çdo veprim të këtij personi, i cili mund të cënonte jetën e pjesëmarrësve në tubim dhe të punonjësve të Policisë që ishin në shërbim për të garantuar mbarëvajtjen e tubimit përsa i përket rendit dhe sigurisë.

Shërbimet e Policisë e kanë neutralizuar dhe shoqëruar shtetasin J. Ç., 25 vjeç, nga fshati Gurrëz e Vogël, Lushnjë, i cili nga verifikimet paraprake rezulton person me probleme të shëndetit mendor.

Sqarojmë se përveç këtij shtetasi nuk ka asnjë person tjetër të shoqëruar nga shërbimet e Policisë dhe se tubuesit janë shpërndarë pa krijuar probleme përsa i përket rendit dhe sigurisë publike.

Policia e Shtetit falënderon qytetarët për qytetarinë e treguar gjatë tubimit dhe i garanton ata se Policia e Shtetit është e angazhuar maksimalisht për të garantuar rendin, sigurinë, lirinë dhe të drejtat e qytetarëve.