“Rama do shporret dhe do shkojë para drejtësisë”- Ilir Meta: Do ketë edhe kujdesin shëndetësor!

Kryetari i Partisë së Lirisë, Ilir Meta u shpreh i bindur se në zgjedhjet e 14 majit opozita do të ketë një fitore të jashtëzakonshme.

Sipas tij, opozita është në rrugën e duhur, pavarësisht se ka nevojë që të jetë më e unifikuar dhe të jetë më e shpejtë.

Ai tha se Rama do të shporret dhe do të dërgohet para drejtësisë, ndërsa u shpreh se shqiptarëve do t’u jepet e drejta për referendum.

“Më 14 maj do jetë një fitore e jashtëzakonshme. Koha do ta tregojë. Opozita është në rrugën e duhur, ka nevojë të jetë me e shpejtë dhe më e unifikuar.

Rama do të shporret dhe do të shkojë para drejtësisë sipas ligjeve të tij. Edhe kujdesin shëndetësor do ta ketë.

Ne i japim vendit primaret, ato janë hap i madh përpara nga ato që caktoheshin deputetet dhe kryetarët e bashkive me zarfe. Ne do bëjmë referendumin, që qytetarët të kenë të drejtë të zgjedhin. Do vendoset llogaridhënia”, tha Meta duke ngritur shqetësimin e shpopullimit të Shqipërisë.