Protesta e 12 nëntorit/ Vasili ironizon mbështetësit e Ramës: Qajnë e ankohen pse nuk bëri dhunë “oqeani” opozitar!

Deputeti i Partisë së Lirisë, Petrit Vasili ka ironizuar mbështetësit e Ramës të cilët prisnin që protesta e një dite më parë të përshkallëzohej në dhunë.

Përmes një postimi në Facebook, Vasili thotë se “të përdhunuarit” nga Rama qajnë dhe ankohen se pse nuk bëri dhunë “oqeani” opozitar në shesh.

Sipas Vasilit, liria dhe kurajo janë fuqitë fituese të njerëzve krenarë dhe të lirë.

Postimi i Petrit Vasilit:

E bukur vërtet ….. të përdhunuarit nga Rama qajnë, ankohen bile edhe preokupohen, se pse nuk bëri dhunë oqeani opozitar në shesh.

S’kanë asnjë faj, se këta nuk njohin në jetë asnjë kënaqësi tjetër, përveçse të jetojnë ashtu të përdhunuar, të paguar, e të poshtëruar nga Rama!

Liria dhe kurajua janë fuqia e pamatë fituese e njerëzve krenarëve dhe të lirë, që përbuzin dhe flakin tej çdo pervers politik me gjithe shpineperkulurit e perdhunuar krah tij.