Kosovë/ Prindërit në protestë, kërkojnë hapjen e kopshteve

Këshilli i Prindërve i Institucionit Parashkollor “Gëzimi Ynë” në Prishtinë po mban protestë për ndërprerjen e grevës.

“Hapni çerdhet”, “Gjeni zgjidhje, fëmijët nuk kanë faj”, janë disa nga mbishkrimet që po mbajnë në duar prindërit.

Me dhjetëra protestues po qëndrojnë para objektit të Qeverisë së Kosovës.

Ata po vazhdojnë ecjen drejt SBAShK-ut.

Kujtojmë se nga data 15 e muajit të kaluar ka nisur greva e shpallur nga Bashkimi i Sindikata të Pavarura të Kosovës.