Financieri britanik dënohet katër vjet burg për dhunën ndaj të dashurës ish-prostitutë në Itali (fotot)

Një financier i qendrës së Londrës është dënuar me katër vjet e gjysmë burg në Itali për rrahjen mizore të të dashurës së tij modele e ish-prostitutë luksi, si dhe per kërcënimet për t’i djegur shtëpinë.

38 vjeçari Ajaz Shah Hussain gjithashtu kishte djegur me hekur të nxehtë 28 vjeçaren e tmerruar Rania Baffoun, mes të tjera keqtrajtimeve në marrëdhënien e tyre 18-mujore, u tha në gjykatë.

Prokuroria tregoi pamje të rënda të plagëve të djegies së akuzueses, edhe pse Hussain pretendonte se ajo kishte prekur hekurin aksidentalisht teksa ishte duke e përdorur.

Prokurori Davide Ercolani tha në gjykatën e Rimini, se Hussain, i cili drejton grupin e financave Fortitude Capital, u arrestua pasi policia ishte thirrur në apartamentin e Ranias.

Hussain, i martuar baba i dy fëmijëve – i cili zotëron shtëpi luksi në Londër e Milano – ishte ndaluar në Rimini teksa drejtonte një makinë Lamborghini ngjyrë të artë me vlerë €200 000.

Dëshmitarët thanë në gjykatë sesi ai ulërinte dhe kërcënonte se do të publikonte një video seksi të çiftit, para se t’i vinte zjarrin makinës së tij në janar 2020.

Ercolani shpjegonte se Rania, italiane me origjinë nga Tunizia, ishte viktimë të dhunës së përsëritur shtëpiake dhe ishte shtruar dy herë në spital prej plagëve te Hussain.

Ajo tha se i dashuri e kishte djegur me hekur “në formë dënimi” ndërsa dhe në gusht 2019 policia ishte thirrur në apartamentin e tyre në Milano pasi Hussain kishte tentuar ta mbyste dhe e kishte goditur me grusht në fytyrë.

Hussain gjithashtu kishte rrahur Rania dhe kishte tentuar ta godiste me makinë pranë apartamentit të tyre në Knightsbridge të Londrës në dhjetor 2020, kur dhe kishte vendosur ta linte prej sjelljes së tij kontrolluese, u tha në gjykatë.

I akuzuari pretendonte se Rania ishte një “prostitutë e klasit të lartë” me të cilën kishte rënë në dashuri dhe e kishte ftuar të jetonte në apartamentin e tij në Knightsbridge pasi ishin njohur në Londër në 2018.

Ai thotë se i kishte dhuruar asaj kirurgji plastike prej më shumë se 150,000 paundë, si dhe bizhuteri e para për makinë.

Por lidhja e tyre ishte degraduar prej vitit 2019 dhe ajo ishte kthyer në Itali.

Në një deklaratë burri thoshte: “U bë e qartë se kjo grua vinte me mua vetëm për paratë, edhe pse më thoshte se nuk kryente marrëdhënie me klientë të tjerë”

”Unë do të paguaja për gjithçka por ajo nisi të bëhej xheloze për gruan time, unë mund të kem një grua dhe një të dashur, por asaj nuk i mjaftonte kjo”.

”Shpenzova shumë që ajo të mos kthehet te prostitucioni por marrëdhënia jonë degjeneroi”.

“Nuk e kam djegur me hekur, kjo ndodhi kur ajo po hekuroste diçka dhe aksidentalisht e preku me krah”.

”Unë shkova për ta mbyllur e të merrja paratë e mia dhe makinën Mercedes që i kisha dhënë, nuk desha ta rrihja”, shtonte ne deklarate i akuzuari.

Por gjykata urdhëroi Hussain t’i paguajë 60,000 Euro kompensim Ranias, avokati i të cilës Umberto De Gregorio pranonte vendimin si ‘të drejtë’.