Arrestimi i mjekëve dhe infermieres, reagon Spitali i Traumës: Inkurajojmë drejtësinë për të çuar deri në fund hetimin, por s’duhen njollosur të gjitha bluzat e bardha

Arrestimi i mjekëve dhe infermieres, reagon Spitali i Traumës: Inkurajojmë drejtësinë për të çuar deri në fund hetimin, por s’duhen njollosur të gjitha bluzat e bardha

278628796 3232256400428224 4831212501223044685 N

Pas arrestimit të mjekëve dhe infermieres në Spitalin e Traumës, vjen edhe reagimi zyrtar i këtij të fundit. Në një deklaratë publike Spitali i Traumës thotë se inkurajon drejtësinë të çojë hetimet deri në fund, por shton se nuk duhen njollosur të gjitha bluzat e bardha.

Reagimi i Spitalit të Traumës:

Nisur nga ngjarja e sotme e ndalimit të mjekut me inicialet F.M, Spitali Universitar i Traumës inkurajon organet e drejtësisë për të çuar deri në fund hetimin dhe zbardhjen e së vërtetës, për të vënë para përgjegjësisë këdo që përfshihet në veprime të kundërligjshme, përkundrejt shërbimit që ofrohet për qytetarët.
Raste të tilla nuk duhet të përkthehen në njollosjen e të gjitha bluzave të bardha, mjekëve dhe infermierëve, të cilët e kryejnë me përkushtim dhe korrektesë punën e tyre çdo ditë në shërbim të pacientëve.
Garantojmë qytetarët se, në Spitalin Universitar të Traumës nuk u ndërpre dhe nuk do të ndërpritet në asnjë moment shërbimi për këdo që ka nevojë për kujdes mjekësor.